بعد ما عرفت إن التحليل الفني هو قراءة لتاريخ السعر

دلوقتي هتبدأ تستخدم "المؤشرات اللي بتساعدك تشوف الاتجاهات والفرص بوضوح. المؤشرات دي هي المؤشرات الفنية.

المؤشر الفني دل عبارة عن ايه ؟ عبارة عن معادلة رياضية بتحول حركة السعر المملة إلى خطوط ورسوم بيانية سهلة الفهم بتديك إشارة شراء أو بيع  Smart Trade Bot بيستخدم مئات المؤشرات  بس فيه 5 أساسيين لازم تعرفهم عشان متتوهش 

1. المتوسطات المتحركة (Moving Averages - MA)

• فكرة المتوسطات المتحركة ببساطة هي زي  متوسط السعر لآخر فترة معينة (مثلا آخر 50 يوم أو 200 يوم).

• بنستخدمها ليه؟ لانها أفضل أداة لتحديد الاتجاه العام للسوق. لو السعر فوق المتوسط المتحرك، الاتجاه صاعد لو تحته، الاتجاه هابط  كمان بتشتغل كـدعم ومقاومة متحركين

• نصيحة Smart Trade Bot ليك ركز على تقاطع المتوسطات المتحركة (Crosses)  لأنه غالباً بيكون إشارة قوية لانعكاس الاتجاه.

2. مؤشر القوة النسبية (Relative Strength Index - RSI)

• والمؤشر هنا فكرته قائمة علي انه بيقيس سرعة وتغير حركة السعر بيتحرك بين 0 و 100 

• بنستخدمه ليه؟ علشان تعرف هل السوق مبالغ في الشراء (Overbought) ولا مبالغ في البيع (Oversold)  لو وصل المؤشر فوق 70  ده معناه إن السهم  اشبع شراء وممكن يصحح وينزل. لو نزل تحت 30،  اشبع بيع وممكن يرتد ويصعد.

• نصيحة Smart Trade Bot  لا تعتمد عليه لوحده. استخدمه دايما مع مؤشر اتجاه زي المتوسطات المتحركة.

3. مؤشر تقارب وتباعد المتوسطات المتحركة (MACD)

•  وهو مؤشر بيجمع بين الاتجاه وقوة الدفع (Momentum). بيتكون من خطين ورسوم بيانية تحت الشارت (Histogram).

• بنستخدمه ليه؟ علشان تحدد بداية وقوة الاتجاه الجديد.

  وتقاطع الخطين في اتجاه معين بيعتبر إشارة قوية لدخول صفقة.

• نصيحة Smart Trade Bot ليك : لما تشوف الخطوط بتتباعد عن بعض (Divergence)، ده بيأكد قوة الاتجاه.

4. نطاقات بولينجر (Bollinger Band) 

فكرتها بتقوم علي ان فى 3 خطوط واحد متوسط في المنتصف واثنين يحيطوا بالسعر من الأعلى والأسفل.

• بنستخدمها لمعرفة مدى تذبذب السوق (Volatility) وهل السعر الحالي مرتفع جدا أم منخفض جدا لما النطاقات تضيق وده معناه إن يوجد انفجار سعري قريب لما السعر يلمس النطاق السفلي بتكون إشارة شراء محتملة والعكس صحيح

• نصيحة سمارت تريد بوت: 90% من حركة السعر بتكون داخل هذه النطاقات، فاستغل الخروج منها كإشارة.

5. مؤشر الحجم (Volume)

• مؤشر الحركة بيوضح عدد الصفقات اللي اتنفذت على الأصل ده خلال فترة زمنية محددة.

• وبنستخدمه عشان الحجم هو بنزين الحركة. لو السعر اتحرك بقوة لكن بحجم تداول قليل، فالحركة دي ضعيفة وممكن ترجع بسرعة. لو السعر بيتحرك بقوة وحجم التداول عالي جدا فالحركة دي قوية ومؤكدة.

• نصيحة Smart Trade Bot: دايما أكد أي إشارة دخول وخروج بحجم التداول.

ملحوظة أخيرة من Smart Trade Bot: المؤشرات دي أدوات بتساعدك مش قرارات نهائية. لو استخدمتها صح مع إدارة المخاطر، هتفرق معاك جدا