بما إنك عديت خطوة الأساسيات في المقال اللي فات، فأهلا بيك في أهم درس في عالم التداول كله، وهو الخطوة رقم 2 في التداول وتعلمه : إدارة المخاطر.

بصراحة كده، لو سألت أي متداول ناجح عن سر استمراره، مش هيقولك استراتيجية معقدة ولا مؤشر سحري. هيقولك ان النجاح في التداول هو انك تعرف تدير الخسارة وتتحكم فيها ، مش انك تدير الربح خالص وده بالظبط اللي Smart Trade Bot بيركز عليه.

الربح ممكن يجي بالصدفة لكن الاستمرار والنجاح الدائم بيعتمد بالكامل على مدى ذكائك في إدارة المخاطر. لو معملتش كده، هتلاقي نفسك بتخسر كل اللي كسبته في صفقة واحدة بس. علشان كده Smart Trade Bot جهزلك أهم نقطتين لازم تعرفهم وتطبقهم من دلوقتي

1. قاعدة الـ 1% أو الـ 2% كحد أقصى

دي أهم قاعدة في الموضوع كله، وهي بسيطة جداً. معناها إنك ما تخاطرش في أي صفقة واحدة بأكثر من 1% من إجمالي رأس مالك.

مثال عملي لو رأس مالك 10,000 دولار:

حجم المخاطرة: 1% من 10,000 دولار = 100 دولار.

ده معناه إنك لو دخلت أي صفقة، لازم يكون الحد الأقصى لخسارتك في الصفقة دي (عند نقطة وقف الخسارة) لا يتجاوز 100 دولار.

ليه Smart Trade Bot بيؤمن بالقاعدة دي؟

لو خسرت 10 صفقات ورا بعض (وده وارد جداً وطبيعي)، هتكون خسرت بس 10% من رأس مالك، ولسه عندك 90% تقدر تعوض بيهم وتستمر. لكن لو كنت بتخاطر بـ 10% من رأس المال في كل صفقة، هتكون خسرت كل شيء تقريباً بعد 10 صفقات بس الهدف الأساسي هو البقاء في اللعبة لأطول فترة ممكنة.

2.متدخلش تداول بدون أمر وقف الخسارة اللى هو (Stop Loss)

وقف الخسارة مش مجرد زر بتدوس عليه في المنصة ده زي طوق النجاة لفلوسكهو النقطة اللي بتحدد عندها بوضوح أنا مستعد أخسر المبلغ ده بس ولا دولار زيادة

طبعا Smart Trade Bot مصمم إنه يحسبلك النقطة دي بدقة متناهية بناء على تحركات السوق، بس لازم تكون أنت فاهم ليه بنستخدمه.

تخيل معايا لو دخلت صفقة والسعر مشي عكس توقعاتك فجأة وبقوة لو مكنتش حاطط وقف خسارة ممكن في ثواني تخسر جزء كبير من حسابك. لكن بأمر وقف الخسارة، أنت بتنفذ قاعدة الـ 1% اللي اتفقنا عليها، والمنصة بتقفل الصفقة أتوماتيك عند الحد الأقصى للخسارة اللي أنت حددته ده بيحميك من القرارات العاطفية وقت الهبوط

الخلاصة من Smart Trade Bot:

إدارة المخاطر مش بتقولك "ازاي تكسب أكتر" هي بتقول لك ازاي تخسر أقل علشان تعرف تكسب بكرة وبعده ابني أساسك على الإدارة السليمة لرأس المال وبعدها تعالى نتكلم عن الاستراتيجيات والأرباح.