لو المؤشرات الفنية كانت نضارتك فنماذج الشموع البيانية دي هي  خريطة الكنز  بالنسبة ليك

السوق مش بيتحرك عشوائي هو بيتحرك في أنماط متكررة بيسيبها ورا الشموع لو عرفت تقرا الأنماط دي هتعرف بدقة إمتى الاتجاه الحالي هيخلص (انعكاس) وإمتى هيكمل (استمرار). Smart Trade Bot بيتابع مئات الأنماط ودي أهم 4 أنماط لازم تركز عليها 

أولا: نماذج الانعكاس (Reversal Patterns)

النماذج دي بتظهر لما يكون السوق في اتجاه معين وبتديك إشارة قوية إن الاتجاه ده خلاص خلص وهيبدأ اتجاه جديد عكسه 

1/ نموذج الرأس والكتفين (Head and Shoulders)

• شكله عامل زي تلت قمم ورا بعض. القمة اللي في النص بتكون أعلى (الرأس) والقمتين اللي على الاجناب بيكونوا أقل ارتفاعا (الكتفين).

• إشارته من أقوى النماذج لو ظهر بعد صعودمعناه هبوط جاي ولو ظهر مقلوب (Inverted H&S) بعد هبوط  معناه ان فى صعود جاي 

• نصيحة Smart Trade Botليك ان أهم شيء في النموذج ده هو كسر خط  الرقبة  (Neckline) ولما يتكسر أكد صفقتك 

2. القمة والقاع المزدوج (Double Top / Double Bottom)

• شكله عامل زي حرف M (القمة المزدوجة) أو حرف W (القاع المزدوج) 

• واشارته بتكون القمة المزدوجة بتظهر في نهاية الاتجاه الصاعد وبتدل على ضعف المشترين وإشارة الهبوط قادم القاع المزدوج العكس، بيظهر بعد هبوط وبيدل على قوة المشترين، إشارة لصعود قادم.

ثانيا: نماذج الاستمرار (Continuation Patterns)

النماذج دي بتظهر في نص الاتجاه، وبتقولك إن السوق بياخد استراحة قصيرة عشان يجمع طاقة، وبعد كده هيكمل في نفس الاتجاه الأصلي بتاعه

3. الأعلام والرايات (Flags and Pennants)

• طب شكلهم ايه ؟ بيظهروا بعد حركة قوية وسريعة للسعر  زي  سارية العلم وبعد كده السعر بيتحرك في شكل مستطيل صغير (العلم) أو مثلث ضيق (الراية).

• إشارتهم بعد ما يتم كسر حدود النموذج في اتجاه الحركة الأصلية ده بيأكد إن الاتجاه هيكمل بنفس قوته.

• نصيحة Smart Trade Bot ليك : غالبا الحركة اللي هتحصل بعد الكسر بتكون بنفس طول السارية اللي سبقت النموذج.

4. المثلثات (Triangles) 

• وشكلها: السعر بيتحرك في نطاق أضيق وأضيق لحد ما يرسم شكل مثلث.

• بالنسبة لاشارتها: لما يحصل انفجار سعري  ويكسر السعر خطوط المثلث ده بيأكد الاتجاه الجديد (أو استمرار القديم). دي فرصة ممتازة لتوقع حركة قوية.

الشموع البيانية هي لغة السوق، وبمجرد ما تتعلم الأنماط دي، هتلاقي إنك بتشوف فرص كتير مكنتش بتلاحظها قبل كده. Smart Trade Bot بيجمع النماذج دي مع المؤشرات اللي درسناها عشان ياخد أدق القرارات.