فى البداية  وبصراحة كده من غير لف ولا دوران لو أنت بتفكر تبدأ في التداول وتاخد الخطوة دي، فإنت غالبا بتسأل نفس الأسئلة اللي كلنا سألناها في البداية 

طيب أبدأ إزاي؟

طب مغامرة ممكن تخسرني فلوسي ولا ضامن المكسب ؟

الخلاصة اللي احنا وصلنا ليها بعد فترة طويلة في السوق إن الموضوع كله مرتبط بخطوات وتركيز مش قفزات . لو مشيت على الخطوات دي بالترتيب، هتختصر على نفسك وقت وخسارة كتير المهم انك تنفذ الخطوات دي بشكل صحيح وهنا هنشرح مع بعض خطوة بخطوة 

الخطوة الأولى: أوقف التداول. وابدأ اتعلم التداول من الصفر 

أكبر فخ للمبتدئ هو الحماس الزيادة. تلاقيه فتح حساب حقيقي ورمى فيه فلوسه قبل ما يفهم حاجة. لا التداول في الأول هو 90% منه دراسة حقيقيه . مش بنقول روح خد شهادات، لكن بنقولك إفهم الأساس. إيه هي الأسهم؟ إيه هي العملات ؟ إيه الفرق بين التحليل الفني والأساسي؟ لازم تكون فاهم لغة السوق. استثمر وقتك في الفهم قبل ما تستثمر جنيه واحد.

الخطوة الثانية: خطة عمل مش مجرد أمنية عاوز تحققها

التداول الناجح عمره ما كان حظ. أنت بتدخل صفقة ليه؟ وبتخرج منها إمتى؟ ولو السوق عكس عليك هتعمل إيه؟ لو معندكش إجابة للأسئلة دي يبقى انت كده بتلعب قمار. الخطة بتاعتك هي اللي بتخليك متتماشاش ورا مشاعرك وقت ما السوق بيخضك. لازم يكون عندك استراتيجية بسيطة ومحددة أنا هفتح مثلا الصفقة دي لما يحصل (س) وهقفلها لو وصلت لـ (ص). التزم بالخطة دي كأنها قانون.

الخطوة الثالثة: انك تتدرب بفلوس مش حقيقية اللى بنقول عليها (الحساب التجريبي)

مينفعش تنزل تلعب ماتش مهم من غير تدريب. حساب التداول التجريبي (الـ Demo) مش رفاهية، هو ضرورة. مش عشان تشوف هتكسب ولا لأ، لأ. عشان تشوف هل أنت ملتزم بخطتك ولا لأ؟ هل بتقدر تدير مشاعرك وأنت بتشوف الأرقام بتتحرك؟ لو مقدرتش تكسب وتلتزم في "البيئة التجريبية" فمتتوقعش ده يحصل لما تكون فلوسك الحقيقية على المحك وقاعد تتفرج وانت بتخسرها

الخطوة الرابعة: قاعدة الحماية الأولي اللى هي إدارة المخاطر

اغلب الناس بتسأل: "إزاي أكسب أكتر؟ ومحدش بيسأل السؤال الصح وهو: "إزاي أخسر أقل؟ إنت بتحمي رأس مالك الأول. متخاطرش بأكتر من نسبة صغيرة جداً (مثلاً 1% أو 2%) من رصيدك في صفقة واحدة. حط أمر "وقف الخسارة" (Stop Loss) قبل ما تعمل أي حاجة. إحنا بنقولك الحقيقة: هتخسر صفقات، بس لو خسارتك صغيرة ومحسوبة، هتفضل في اللعبة وتتعلم.

الخطوة الخامسة: ابدأ باللي انت "مش محتاجه"

لما توصل لمرحلة إنك جاهز، ابدأ برأس مال صغير جداً. مبلغ لو خسرته مش هيأثر عليك نفسياً أو مادياً. ليه بنقولك كده ؟ عشان في البداية، الضغط النفسي بيكون عالي. لما تبدأ بمبلغ بسيط، هتفكر بعقلانية أكتر وتركز على تنفيذ الخطة بشكل صح، مش هتكون عينك على الفلوس اللي بتزيد أو بتنقص.

الخلاصة: التداول رحلة، استمتع بأنك تتعلم كل مرحلة فيها، ومتبصش للمكسب السريع. ودايما خلي بالك، إنك مش لوحدك. منصات التداول اللى زي Smart Trade بتقدم أدوات وخيارات تسهل عليك بداية تطبيق الخطة اللي حطيتها. ابدأ بخطوات واثقة، وأنت جاهز انك تنطلق!